2022-2023 оқу жылына арналған нұсқаулық-әдістемелік, спорттық-бұқаралық және дене шынықтыру-сауықтыру, әскери-спорттық іс-шаралар мен жарыстардың күнтізбелік жоспарына сәйкес 2023 жылғы 17 қаңтар мен 3 ақпан аралығында Астана қаласының колледж студенттерінің Спартакиадасы шеңберінде ұлдар мен қыздар арасында баскетболдан жарыстар өтті. Жарысқа қыздар арасында 8 колледж (96 студент), ұлдар арасында 20 колледж (240 студент) қатысты. Финалдық ойындар 2023 жылдың 3 ақпанында Кәсіптік-техникалық колледждің спорт залында өтті.

2022 жылдың 28 желтоқсанында Қазтұтынуодағының жоғары сауда-экономикалық колледжінің оқытушылары мен қызметкерлерінің балаларына арналған жаңа жылдық мереке ұйымдастырылды.

Мерекеде студенттер ертегі кейіркерлері Аяз ата, Ақшақар, Мики маус, Жалмауыз кемпір және т.б. кейіпіне еніп мерекелік шыршаның сәнін келтірді. Іс-шара барысында кішкентай қонақтарымыз Аяз атаға ән айтып, тақпақ айтып, би билеп өз өнерлерін көрсетіп, сыйлықтар алып көтеріңкі көңіл күйде ертегі әліміне саяхат жасады.

Жас ұрпақтың кәсіпкерлік бастамалары мен іскерлік дағдыларын қолдау және дамыту мақсатында 2022 жылдың 16 мен 30 қарашасы аралығында «Мен кәсіпкермін» республикалық Гранд турнирі өтті. Гранд турнир Қазақстан Республикасының Тәуелсіздік күніне арналған және еліміздің барлық аймақтарының колледж студенттері арасында өткізілді.

2022 жылдың 15 желтоқсан күні Қазтұтынуодағының жоғары сауда-экономикалық колледжінде 16 желтоқсан - Қазақстан Республикасының Тәуелсіздік күні мерекесіне орай 1 курс студенттері арасында «Алға Қазақстан» атты патриоттық тақырыптағы музыкалық сайыс өтті.