2023 жылдың 20 қыркүйегінде Қазтұтынуодағы жоғары колледжінің оқытушылары Худабай Б. Х, Садыкова А.Р, 1 курс студенттеріне «Цифрлық Қазақстан бағдарламасы аясында «Smart language» семинарын өткізді.

   2023 жылғы 20 қыркүйекте Қазтұтынуодағының жоғары колледжінде Тілдер апталығы аясында тіл мамандары - Садыкова А.Р, Нуртазина Н.Н, «Маркетинг» мамандығы бойынша М-9-22-3 тобында «Іскерлік ойындар» сыныптан тыс шеберлік сабағын өткізді.

   Мақсаты: кәсіптік модуль бойынша тіл және арнайы пән деңгейін ұштастыру, тәжірибеде қолдануға үйрету.

   Студенттер оқу-тәжірибелік зертханасында қазақ тілі мен ағылшын тілінде көріністер көрсетті. Аталған көріністе кәсіби құрал-жабдықтар пайдаланылды. Бұл шара студенттер үшін пайдалы әрі қызықты тәжірибе болды.

«Ұлт ұстазы» фильмі

2023 жылдың 19 қыркүйегі күні Қазтұтынуодағының жоғары колледжінде І курс студенттері арасында Ахмет Байтұрсынов өмірі туралы түсірілген «ҰЛТ ҰСТАЗЫ» фильмі көрсетілді. Тарих пәнінің оқытушысы С.М. Құндызбекова кіріспе сөзінде Ахмет Байтұрсынұлының: «Бай болу үшін кәсіп қылу керек, білімді болу үшін оқу керек, күшті болу үшін бірлік керек һәм осы керектердің жолында әрекет қылу керек» деген әйгілі ойын түсіндірді. ХХ ғасыр басындағы Ахмет Байтұрсынұлының басынан кешкен қиын қыстау тағдырына шолу жасап, ұлт мұраты жолында жасаған еңбегі тілге тиек етілді. «Қазақ» газетін ұйымдастырудағы қызметі, халықтың саяси үн қағазына айналғанын баяндады. Студенттерге ұлт ұстазы туралы эссе жазу тапсырылды.

2023 жылғы 19 қыркүйекте Тіл апталағы аясында Адырбекова Үміт Жүсіпназарқызы қазақ әдебиеті пәні бойынша 04140100 «Есеп және аудит» мамандығының ЕА-9-23-2 тобында «Абай шығармашылығы Сегіз аяқ өлеңі» тақырыбында ашық сабақ өткізді.