2024 жылдың 4 қараша күні география пәні оқытушысы Тельманкызы Ақерке «Экологиялық мәселелерді шешудегі инновациялық технологиялар» тақырыбында М-9-24-4 тобында ата-аналар мен педагогтардың қатысуымен ашық сабақ өткізді Білім алушылар арасында қолайлы психологиялық ахуал қалыптастыру үшін «Өрмекші торы» әдісі қолданылды. Сабақ барысында топтар түстер арқылы үш топқа бөлініп, «Фишбаун», «Өрмекші», «Интеллект-картасы» әдістерімен практикалық тапсырма орындады. Студенттер сабаққа белсенді қатысты. Ата-аналар сабаққа оң пікірлерін айтып, алғыс білдірді.

2024 жылдың 31 қазан күні Астана қаласы Қазтұтынуодағының жоғары колледжінде педагог Дүйсенбаева Дана Сұлтанханқызының Қазақстан тарихы пәнінен «Қазақ хандарының қазақ хандығын құру мен нығайтудағы рөлі» тақырыбында А-9-24-4 тобында ата-аналар мен жас педагогтардың қатысуымен ашық сабағы өтті. Үй тапсырмасы «Quizizz» әдісімен тексерілді. Қобдишаға салынған түрлі-түсті асықпен үш топқа бөлінген студенттер «Елшілік» әдісі арқылы тапсырмаларды орындап, тақырып бойынша жаңа сабақ мазмұнын ашты, «Плюс, минус, қызықты»» әдісімен өз білімдерін бекітті. Студенттер белсенді болды.Сабақ мазмұнды, қызықты өтті

2024 жылғы 30 қазан күні Астана қаласы Қазтұтынуодағының жоғары колледжінде педагог Сауханова Гульнар Кусаиновна математика пәні бойынша БҚЕ 9-24-2 тобында арнайы ата-аналардың, жас педагогтардың қатысуымен «Дәрежелік функция, оның қасиеттері мен графигі» тақырыбында ашық сабақ өткізді.

2024 жылдың 24 қазан күні Астана қ. Қазтұтынуодағының жоғары колледжінде «25 қазан – Республика күні» мерекесіне орай 1-курс студенттерінің қатысуымен «Тіл деген алып мұхит, түбі терең» атты мәнерлеп жатқа оқу сайысы ұйымдастырылды.