2023 жылғы 21 қыркүйекте Қазтұтынуодағының жоғары колледжінде Тілдер апталығы аясында тіл мамандары - Садыкова А.Р, Оспанова А.М және М-9-23-3, БҚЕ-9-23-2 тобының студенттері Қазақстан Республикасы Тұңғыш Президентінің мұражайына барды. Бұл күні студенттер мұрағаттық-жазбаша, баспа материалдарын, кино және бейнелеу құжаттарын, бейнелеу және сәндік-қолданбалы өнер туындыларын, Нұрсұлтан Назарбаевтың жеке заттары мен құжаттарын көрді. Студенттердің Тұңғыш Президент мұражайына мәдени сапары жоғары деңгейде өтті. Экскурсия өте мазмұнды және танымды болды.

2023 жылдың 22 қыркүйек күні Қазақстан халқының тілдері күні мерекесі аясында 2023 жылғы 18-22 қыркүйек аралығында өткізілген «ТІЛ – ҰЛТТЫҢ ЖАНЫ» атты тіл апталығының қорытынды кеші өткізілді.
Кеш «Өлең сөздің патшасы – сөз сарасы» атты әдеби-поэзиялық іс-шарамен басталды. Директордың оқу-өндірістік ісі жөніндегі орынбасары Суюндикова Салтанат Отызбаевна құттықтау сөз сөйлеп, апталық барысында өткізілген іс-шаралар нәтижесіне тоқталып, креативті тәсілмен ұйымдастырылып өткізілген апталыққа оң бағасын берді.

    «Ұлы дала ұстазы» әдеби-танымдық іс-шара. Астана қаласы Қазтұтынуодағының жоғары колледжінде «Тіл-ұлттың жаны» атты тілдер апталығының аясында Қаламгерлер аллеясында «Ұлы дала ұстазы» Ахмет Байтұрсынұлының тағылымына арналған әдеби танымдық сыныптан тыс іс-шарасы педагогтар С.М. Құндызбекова, Қ. Н. Сахиева басшылығымен өткізілді. Оқытушы С.Құндызбекова Ұлт ұстазының Қазақ әліпбиін, 8 мың тиражбен «Қазақ» газетін қолданысқа енгізгенін айтып, қазақ халқының азаттығын армандағанын айтты.

2023 жылдың 20 қыркүйегінде Қазтұтынуодағы жоғары колледжінің оқытушылары Худабай Б. Х, Садыкова А.Р, 1 курс студенттеріне «Цифрлық Қазақстан бағдарламасы аясында «Smart language» семинарын өткізді.