*«Біртұтас тәрбие» бағдарламасы аясында «Ұлыстың ұлы күні - 22 Наурыз» мерекесіне орай ұйымдастырылған «ДӘУІР ҮНІ» әдеби-сазды кеші.*

2025 жылдың 18 наурызында Қазтұтынуодағы жоғары колледжінің қабырғасында қазақ әдебиеті мен қазақ халқының тарихы тоғысқан, қазақ руханиятының асыл мұрасына арналған “Дәуір үні” әдеби-сазды кеші өтті. Бұл шарада жыраулар мен сал-серілер дәстүрінің қазақ мәдениетіндегі және қазақ халқының тарихындағы рөлі, олардың шығармаларының мәні мен маңызы жан-жақты талқыланды.

 Кештің мазмұны:

 Жыраулар шығармашылығы: Қазтуған, Доспамбет, Ақтамберді жыраулардың толғауларының терең мағынасы.

 Сал-серілер мұрасы: Біржан сал, Ақан сері, Жаяу Мұса, Үкілі Ыбырай, Естай Беркімбайұлының әндері.

 Халық әндерінің тарихы: «Самалтау» әнінің шығу тарихы мен мағынасы.

 “Сарыарқа – ұлы дала жыры”: Ақселеу Сейдімбек пен Несіпбек Айтұлының шығармаларының маңызы.

 Кештің арнайы қонағы – Мемлекеттік академиялық филармонияның орындаушысы, халықаралық және республикалық байқаулардың лауреаты, «Шыбыт» фестивалінің жүлдегері, әнші-термеші Данияр Мұқан өз өнерімен көрермендерді тәнті етті.

Кештің ерекшелігі – баяндамалар мен талдаулар, жыраулардың толғауларын орындау, халық әндерін орындау ерекше рухани атмосфера қалыптастырды.

Студенттер, педагогтер және әдебиет пен музыка жанашырлары кеш барысында жыраулар мен сал-серілер мұрасының бүгінгі заманмен үндестігін сезініп, ұлттық өнеріміздің мәңгілік құндылық екенін тағы бір мәрте түйсінді.

 Барша қатысушыларға алғысымызды білдіреміз!

Ұлттық өнеріміз бен мәдениетіміз мәңгі жасай берсін!

Инстаграмнан қараңыз    Фейсбуктен қараңыз.