Астана қаласы Қазтұтынуодағының жоғары колледжінде химия пәнінің оқытушысы Сембаева Шолпан Сағымбайқызы М-9-23-2 тобында «Органикалық химияға кіріспе» тақырыбында ашық сабақ өткізді. Үй тапсырмасын тексеру үшін «Joyteka» платформасында сұрақтарға жауап беріп, студенттер өз білімдерін байқатты. Жаңа сабақта «Органикалық химия» бейнебаяны көрсетіліп, сабақтың тақырыбы ашылды, органикалық заттардың ерекшеліктері түсіндірілді.

Студенттер топқа бөлініп, интербелсенді тақтада презентация көрсетті, «learningapps» платформасында тапсырмалар берілді, студенттер топтық жұмыстан кейін интербелсенді тақтада жауапты жазып нақтылады. Білім алушылар планшеттегі деңгейлік тапсырмаларды орындап, өзара талдады. Студент Тілеуқұл Ақарыс шар стерженді үлгілерді пайдаланып, органикалық заттардың құрылымдық формулаларын құрастырды. Маркетолог мамандығына байланысты жуғыш заттарды жарнама жасап, сату, өткізу деңгейін көбейту үшін тәжірибелік жұмыстар көрсетілді. Білімді бағалау «quizizz» платформасында жүргізіді. Рефлексия жасалып, студенттер білімі «Білім сатысында» оң бағаланды.