2023 жылдың 27 - қыркүйек күні Қазтұтынуодағының жоғар колледжі оқытушысы Худабай Бейбітжан информатика пәнінен БҚЕ-9-23-2 тобында «CSS-каскадты стиль кестелері» тақырыбында ашық сабақ өткізді. Мақсаты: «Web беттерді сәндеу, әрлеу. CSS тілін қолдану арқылы web беттерді безендіруді үйрену».

Сабақ Стив Джобстың «Қадам жаса» мотивациялық ойымен басталды. Студенттер сабақ барысында өткен материалды еске түсіру үшін «Kaһооt» платформасында жауап берді. Бейбітжан Х. жаңа сабақ тақырыбын логикалық оймен ашып, зертханалық жұмысты түсіндірді. Білім алушылар жеке компьютерде отырып, жұмыстарын жасады. Студенттер жаңа тақырыпты меңгергені туралы сауалнамаға «Joyteka» инструменті арқылы жауап берді.

«Padlet» инструменті бойынша кері байланыс жасалды. Қатысқан ата-аналар да өздерінің алғыстарын айтты. Ашық сабақ мазмұнды, нәтижелі сабақ болды. Мұғалім өз мақсатына жетті.