2022-2023 оқу жылына арналған нұсқаулық-әдістемелік, спорттық-бұқаралық және дене шынықтыру-сауықтыру, әскери-спорттық іс-шаралар мен жарыстардың күнтізбелік жоспарына сәйкес 2023 жылғы 17 қаңтар мен 3 ақпан аралығында Астана қаласының колледж студенттерінің Спартакиадасы шеңберінде ұлдар мен қыздар арасында баскетболдан жарыстар өтті. Жарысқа қыздар арасында 8 колледж (96 студент), ұлдар арасында 20 колледж (240 студент) қатысты. Финалдық ойындар 2023 жылдың 3 ақпанында Кәсіптік-техникалық колледждің спорт залында өтті.

Жарыстың жеңімпаздары мен жүлдегерлері Астана қаласы әкімдігінің «Өркен» балалар мен жасөспірімдер дене тәрбиесі орталығының кубоктарымен, медальдарымен және дипломдарымен марапатталды.
Біздің колледжіміздің баскетболдан қыздар құрамасы колледждер арасында жүлделі ІІІ орынды иеленді. Жеңімпаз қыздарға колледжіміздің директоры атынан ақшалай сыйақы табысталды. Жеңімпаздарды шын жүректен құттықтаймыз!!!