2022 жылдың 19 қазан  күні Қазтұтынуодағы жоғары сауда экономикалық колледжінде   КБ-9-22-2 тобында қазақ тілі мен әдебиеті пәні оқытушысы  А. Р  Садыкова қазақ әдебиеті пәнінен «Абай Құнанбаевтың «Масғұт» поэмасы» тақырыбында ашық сабақ өткізді.

Жас мұғалімдерге тәжірибесімен бөлісу мақсатында ұйымдастырылған ашық сабақ ойдағыдай өтті. Сабақ жаңартылған білім мазмұнына сәйкес презентация арқылы өткізілді. «Шығармалар көрмесі», «Даналық ағашы», «Джигсо», «Постер», »Инсерт» әдіс-тәсілдері қолданылды, әр тапсырманың дискрипторлары айқындалған. Интербелсенді тақтада «Ой сүзгі» әдісі бойынша талдау жүргізілді. Студенттер топ бойынша «Бағдаршам» әдісі бойынша  бір-бірін бағалады. Білім алушылардың «Абай әлемі жеті түнде адастырмас Темірқазық іспетті» тақырыбына жазып келген шығармаларының көрмесі болды. Барлық студенттердің арасында Кабдышева Елдана, Бархат Мадина, Мирамбек Нұрайдың шығармаларына үздік баға берілді. «Даналық ағашы»  әдісі бойынша балалар «Толық адам» моделін құрастырып шықты. «Джигсо» әдісі бойынша әр топ өздеріне берілген үзіндіні мазмұндап, «Әнді жалғастыр»  атты сергіту кезеңінде Абай Құнанбаевтың «Көзімнің қарасы» әнін нақышына келтіріп орындады. Постер әдісі бойынша қатысушылар  поэманың мазмұнын түсініп, тақырыпты аша алды және сол шығарманы  суреттеп, бейнелеп бере алды. Студенттер шығармашылық жұмыстарын жақсы орындады. Қатысқан мұғалімдер өздерінің жақсы пікірлерін айтып, сабақ жоғары дәрежеде өткенін атап өтті.