Ұлы Жеңіс – тарихымыздың ажырамас бөлігі және күллі әлем үшін үлкен сабақ. Біз осы ақиқатты әрдайым есте сақтауымыз керек.

Аға буынның өшпес ерлігі – ұрпаққа ұлағат. Отаншылдығы мен жанқиярлығы – үлгі-өнеге. Біз Ұлы Отан соғысының ардагерлерін ешқашан ұмытпаймыз!

5 мамыр күні Астана қаласы Қазтұтынуодағының Жоғары колледжінде «Біртұтас тәрбие» бағдарламасы аясында «Отаншылдық және спорт-ұлттың рухы» дене тәрбиесі және алғашқы әскери технологиялық дайындық пәндері апталығының барысында «Отан қорғаушылар күні» мен «Ұлы Жеңістің 80 жылдығына» арналған мерекелік «Ел тірегі - рухты сарбаз» саптық және ән - шеру, спорттық , әскери жаттығулар сайысы өтті.

Мұндай шаралар студенттердің патриотизмін арттыру, әскери қызметке, Отанға деген сүйіспеншілікті тәрбиелеу мақсатында ұйымдастырылды.

Сайыстың қонағы ретінде ҚР Қарулы күштерінің және ауған соғысының ардагері Сәрсенхан Әзімбайұлы қатысты.

“Салауатты өмір салты, біз спортты жақсы көреміз»

2 мамыр күні Астана қаласы Қазтұтынуодағының жоғары колледжінде Дене тәрбиесі және алғашқы әскери және технологиялық дайындық пәндерінің апталығы аясында “Салауатты өмір салты, біз спортты жақсы көреміз» І курс студенттері, топ жетекшілерінің арасында сергітетін және ұйымшылдықты арттыратын көңілді эстафеталық ойындар ұйымдастырылды. Бұл іс-шараның мақсаты – студенттер арасында салауатты өмір салтын насихаттау, бірлік пен достықты нығайту болды.

Ойын барысында әр командалар бірнеше кезеңнен тұратын эстафеталық сайыстарға қатысты. Олар жылдамдық, ептілік және ұжымдық үйлесімділікті талап ететін түрлі тапсырмаларды орындады. Жылдамдыққа жүгіру, дөңгелектен өту, «Қырықаяқ», «Вертолет» ойындары ерекше қызықты болды. Студенттер бұл шарадан үлкен қуаныш алып, дене шынықтырудың маңыздылығын түсінді. Ойындар студенттердің денсаулығын нығайтып қана қоймай, командалық рух береді, ұйымшылдық пен достыққа тәрбиелейді.

30 сәуір күні Қазтұтынуодағының жоғары колледждінде «Жас толқын» ЖДО және №3 емхана қызметкерлерінің ұйымдастыруымен, «Отаншылдық және спорт-ұлттың рухы» дене тәрбиесі мен алғашқы әскери технологиялық дайындық пәндері апталығы аясында Қазақстан Республикасының спорт шебері, Азия чемпионы, Шотокан каратэден әлем, Қазақстан чемпионы,Ұлттық құрама мүшесі, қара белбеу иегері, халықаралық жарыстардың чемпионы және жүлдегері Жақсыбаева Венера Болатбековнамен кездесу болып өтті. Студенттерге салауатты тамақтану және жоғары дене белсенділігі, спортпен шұғылдану, күйзеліс пен күресе білу, темекіден, ішімдіктен бас тарту жолымен салауатты өмір салтын ұстану арқылы аурулардың алдын алып, денсаулықты және тартымды келбетті сақтап, сұлу да сымбатты, тәні мен жаны жас, белсенді болып жүруі жайында ақпарат берілді.